SIMONIDES

SIMONIDES
Ceus, Poeta melicus, floruit Olymp. 65. Pausaniae inprimis et Hieroni carus: primus memorandi artem invenisse fertur. Cum enim cenaret in Thessalia apud Scopam fortunatum hominem et nobilem, cecimssetque id carmen, quod in eum scripserat, in quo multa ornandi causâ poetatum more in Castorem, et Pollucem scripta fuerant, nimis ille sordide Simonidi dixit, se dimidium eius ei, quod pactus esset, pro illo crarmine daturum; reliquum a suis Tyndaridis, quos aeque laudâsset, peteret, si ei videretur. Paulo post fertur esse nuntiatum Simonidi, ut prodiret, iuvenes stare ad ianuam duos quosdam, qui eum magnopere evocarent, tum surrexisse illum ipsum, prodiisse, vidisse neminem. Hôc interim spatiô conclave illud, ubi epularetur Scopas, concidisse: eâ ruinâ ipsum oppressum cum suis interiisse: quos cum humare vellent sui, neque posent obtriti innotescere ullô modô, Simonides dicitur ex eo quod meminiset, quô eorum locô quisque accubuisset, demonstrator uniuscuiusque sepeliendi fuisse. Hâc tum re admonitus invenisse fertur, ordinem esse maxime, qui memoriae lumen adferret. Cicero, l. 1. de Nat. Deor. c. 22. Simonides a tyranno Hierone rogatus, quid, aut qualis esset Deus, deliberandi causâ sibi unum diem postulavit: cum idem ab eo postridie rogaretur, biduum petiit; cum vero saepitus duplicaret numerum dierum, admiratusque Hiero quaereret, cur ita faceret: quia quanto, inquit, diutius considero, tanto mihi res videtur obscurior. Ceterum scripsit odas, elegias, etc. Idem pugnam Marathoniam et Salaminiam descripsit. EXcelluit inprimis in ciendâ commiseratione, teste Quintilianô. l. 10. c. 1. ac Dionys. Halicarnassensi. Unde Catullus, Epigr. 39. v. 8.
Paulum quidlibet adlocutionis
Maestius lacrimis Simonideis.
Horatius l. 2. Od. 1. v. 37.
Sed ne relictis Musa procax iocis
Ceae retractes munera naeniae.
Ubi noenia est carmen lugubre: Ceae vero sive Ceiae, ut Theocrit. Idyll. 17. Κήιος dicit, idem est ac Simonideae. Est vero hic Simonides, qui dcum 16. literis vetustis 4. adiecisset Palamedes Θ, Ζ, Φ, Χ, quatuor alias adiunxit, duas longas H, et Ω, et duas duplices Ξ, et Ψ. Quamquam de isto nec satis consentiant veteres; vel saltem dissentiant codices, librariorum fortasse culpâ. Vide Plinium, Marium Victorinum, et Suidam. De avaritia eius Aelian. ποικιλ. l. 8. c. 2. Quô nomine eum et Pindarus Isthm. Od. 2. quod primus Musam ἐργάτιν, h. e. mercenariam effecerit, perstringit, ut Scholiastae notarunt. Obiit Olymp. 78. aetat. 89. Fuit etiam Simonides Iunior prioris ex filia nepos; de quo Voss. Hist. Graec. l. 4. c. 6. Scripsit circa Olympiad. 82. librum Genealogiarum, Poemata, et tractatum de rebus recens inventis. Alius Simonides Magnesius fuit, qui carmine signavit res gestas Antiochi M. Sed et apud Suidam 2. praeterea huius nominis Poetas invenias. Unus fuit Carystius, vel Eretriensis, qui reliquit Graecorum conventum in Aulidem trimetrorum l. 2. et de Iphigenia unum Alter erat Crinei filius Amorginus dictus a patria Amogrgo, unâ ex insulis Cycladibus; qui praeter elegiarum libros scripsit Iambos, unde et ἰαμβογράφος vocatus: imo et secundum nonnullos primus hôc carminis genere usus fuit: quod antiquissimum esse arguit. Imo Suidas dicit claruise post bellum Troianum annis 406. Quomodo fuerit circa initium Olympiadum. Verum censeo centenarium excidisse librarii culpâ: ac pro μςτ, quod sit 406. rescribi oportere νςτ, hoc est, 506. Quod tempus proxime
abit ab Eusebiano numero. Incidit enim in Olymp. 26. quando clarescere fortasse coepit, qui maius nomen adeptus Olymp. 29. Et sane hanc coniecturam firmant ista Procli apud Photium: Ἰάμβων δὲ ποιηταὶ, Ἀρχίλοχος ὁ Πάριος ἄριςτος, καὶ Σιμωνίδης ὁ Ἀμοργῖνος, ἠ ὡς ἔνιοι, Σάμιος. Samium etiam vocat Tzetz. in Chiliad. histor. Vossius; quem sis vide de Poet. Graec. c. 3. et seqq. et de Hist. Graec. l. 1. c. 8. et l. 4. c. 3. et 13. ut et Lil. Giraldum, Dialog. 9. de Poet. Leonem Allatium, dissert. de Simonid. Fabrum, Hist. Poet. Graec. etc. Nic. Loydius.

Hofmann J. Lexicon universale. 1698.

Look at other dictionaries:

  • Simonides — (griechisch Σιμωνίδης) steht für: Semonides (auch Simonides) von Amorgos (7. Jahrhundert v. Chr.), griechischer Dichter Simonides von Keos (6./5. Jahrhundert v. Chr.), griechischer Dichter Simonides von Athen, attischer Stratege 426/25 Simonides… …   Deutsch Wikipedia

  • Simónides — puede hacer referencia a: Simónides de Ceos, poeta lírico griego, considerado el creador de la mnemotecnia. Simónides de Amorgos, poeta yámbico griego, considerado uno de los creadores de la sátira griega. Seudónimo de Ernesto Murillo, pintor y… …   Wikipedia Español

  • Simonides — Simonides,   griechisch Simonịdes, griechischer Lyriker, * Iulis (heute Kea) um 556 v. Chr., ✝ Akragas (heute Agrigent) um 467 v. Chr.; lebte als Auftragsdichter in Athen und Thessalien, ab 476 am Hof von Syrakus, wohin ihm sein Neffe… …   Universal-Lexikon

  • Simonĭdes — Simonĭdes, 1) S. von Amorgos, geb. auf Samos, führte eine Colonie nach Amorgos; er war griechischer Jambendichter u. lebte nach Ein. um 660 v. Chr., nach And. 778 u. war in den Alexandrinischen Kanon aufgenommen; von seinen Jamben sind nur zwei… …   Pierer's Universal-Lexikon

  • Simonides — [sī män′ə dēz΄] 556? 468? B.C.; Gr. lyric poet: also Simonides of Keos …   English World dictionary

  • Simonĭdes — (Semonides), 1) S. von Amorgos, griech. Jambograph, aus Samos, führte um 640 v. Chr. eine samische Kolonie nach Amorgos. Von den erhaltenen zwei längern Bruchstücken schildert das eine pessimistisch das schlimme Los der Menschen, das andre leitet …   Meyers Großes Konversations-Lexikon

  • Simonides — Simonĭdes von Keos, griech. Lyriker, geb. 556 v. Chr., gest. am Hof des Hiero zu Syrakus 467 v. Chr.; am berühmtesten seine Trauergesänge (Threnoi) und Epigramme (Fragmente in Bergks »Poëtae lyrici Graeci«, Bd. 3). – Vgl. von Wilamowitz (1897) …   Kleines Konversations-Lexikon

  • Simonides — Simonides, Name von 2 berühmten aber wenig bekannten hellenischen Dichtern. – S. aus Amorgos, geb. um 664 oder gar 778 v. Chr., dichtete Jamben u. Elegien, worin er die Weiber sehr scharf angriff. Von den 2 erhaltenen Bruch stücken zählt das eine …   Herders Conversations-Lexikon

  • Simonides — Two poets of ancient Greece: * Simonides of Amorgos, iambic poet, flourished in the middle of the 7th century BC * Simonides of Ceos (c. 556–469 BC), lyric poet * Constantine Simonides, 19th century forger of ancient manuscripts …   Wikipedia

  • Simonides — /suy mon i deez /, n. 556? 468? B.C., Greek poet. Also called Simonides of Ceos /see os/. * * * …   Universalium

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.